Nett als all Johr is de Kreispokaal van´t Nörder-Emder Landvolk, dit mol up Nögen van´t Zweigverein Mainhaaf utschoten worden. Vörmiddags trudelt mehr as 60 Kulantjes in Wir'm in.

In dree Klaasen – een Juniorengrupp, een Seniorengrupp I van 40 bit hennto 55 Johr (de Aktiven) unn een Seniorengrupp II mit Buren over 55 Johr – treden de Manskuppen gegenenanner an.

Ditmol harren wi echt Glück mit Weer hat, de Sünn schien nun nich, aber regent hat ok nich. Van Belang was de Pläseer un de hebt se all hat.

Nett als alltied givt naa´t Scheeten lekker Artsopp, ditmol in’t Landgasthof „Zum großen Krug“ in Wir'm. Dor sünd ook de Pokaalen övergeven worden. De Leybuchters hebt bit Aktiven de minnste Schöten bruukt un wunnen. De mutten nu de Wettstried anner Johr utrichten. Bit Junioren hebt de Nörders de Pokal all weer verteidigt und bi den Senioren leeg Arle vörn.

Bi de Junioren:

1. Norden 42 Schöt + 25 m (Winner letzt Johr)

2. Arle 44 Schöt + 108 m

3. Hagermarsch 47 Schöt + 79 m

4. Marienhafe 66 Schöt + 120 m

Bi de Senioren:

1. Arle 39 Schöt + 77 m

2. Hagermarsch 41 Schöt + 105 m (Winner letzt Johr)

3. Norden 41 Schöt + 0 m

4. Marienhafe A 44 Schöt + 87 m

5. Leybucht 45 Schöt + 52 m

6. Marienhafe B 54 Schöt + 34 m

Bi de Aktiven:

1. Leybucht 36 Schöt + 77 m

2. Norden 36 Schöt + 28 m

3. Arle 38 Schöt + 132 m

4. Marienhafe A 41 Schöt + 91 m (Winner letzt Johr)

5. Marienhafe B 49 Schöt + 66 m