Nett als all Johr is de Kreispokaal van´t Nörder-Emder Landvolk, dit mol up Nögen van´t Zweigverein Leybucht, up Mondag, 02. Februar 2015, utschoten worden. Vörmiddags trudelt de 60 Kulantjes biit Schöppwark Neuwesteel in. In dree Klaasen – een Juniorengrupp, een Seniorengrupp I van 40 bit hennto 55 Johr (de Aktiven) unn een Seniorengrupp II mit Buren over 55 Johr – treden de Manskuppen  gegenenanner an. De meeste Tied hebt wi heel moi Weer hat, bit tood Hagelschuur. Dor hebt wi nix to lachen hat. Dat was bannig koolt, doch wi hebt mit veel Pläsier to Enn schoten.

Nett als alltied givt naa´t Scheeten lekker Artsopp, ditmol in’t „Eschenhof“ in Leybuchtpolder. Dor sünd ook de Pokaalen övergeven worden. De Nörder hebt in jede Grupp de minnste Schöten bruukt un wunnen. De mutten nu de Wettstried anner Johr utrichten.

Bi de Junioren:

1. Norden 39 Schöt + 29 m

2. Arle 41 Schöt + 145 m (Winner letzt Johr)

3. Westerende 42 Schöt + 43 m

Bi de Senioren:

1. Norden 40 Schöt + 48 m

2. Arle 43 Schöt + 66 m (Winner letzt Johr)

3. Leybucht 51 Schöt + 18 m

Bi de Aktiven:

1. Norden 37 Schöt + 68 m

2. Leybucht 39 Schöt + 35 m (Winner letzt Johr)

3. Arle 40 Schöt + 42 m

4. Hagermarsch 42 Schöt + 28 m

5. Brookmerland 46 Schöt + 82 m

6. Berumerfehn 50 Schöt + 43 m