Nett als all Johr is de Kreispokaal van´t Nörder-Emder Landvolk, dit mol up Nögen van´t Zweigverein Nörden utschoten worden. Vörmiddags trudelt mehr as 60 Kulantjes in Nörden in.

In dree Klaasen – een Juniorengrupp, een Seniorengrupp I van 40 bit hennto 55 Johr (de Aktiven) unn een Seniorengrupp II mit Buren over 55 Johr – treden de Manskuppen  gegenenanner an.

De Wind weer düchtig an pusten un ein beten Regen hebt wi ok hat. Aber wat ein Klootscheeter ist, de lat sük nich van een beten Schietweer hinnern. Van Belang was de Pläseer un de hebt se all hat.

Nett als alltied givt naa´t Scheeten lekker Artsopp, ditmol in’t „Bauernhofcafe“  Reno Wäcken in Nörden. Dor sünd ook de Pokaalen övergeven worden. De Marienhavers hebt bit Aktiven de minnste Schöten bruukt un wunnen. De mutten nu de Wettstried anner Johr utrichten. Bit Junioren hebt de Nörders de Pokal verteidigt und bi den Senioren leeg Hagermarsch vörn.

Bi de Junioren:

1. Norden 36 Schöt + 110 m (Winner letzt Johr)

2. Arle 36 Schöt + 53 m

Bi de Senioren:

1. Hagermarsch 30 Schöt + 57 m

2. Norden 34 Schöt + 32 m (Winner letzt Johr)

3. Arle 35 Schöt + 78 m

4. Marienhafe 38 Schöt + 23 m

5. Leybucht 42 Schöt + 7 m

Bi de Aktiven:

1. Marienhafe 34 Schöt + 37 m

2. Norden 35 Schöt + 17,5 m (Winner letzt Johr)

3. Arle 35 Schöt + 15 m

4. Leybucht 39 Schöt + 172 m

5. Hagermarsch 39 Schöt + 123 m

6. Dornum 39 Schöt + 53 m

7. Berumerfehn 47 Schöt + 57 m